જમ્મુ-કાશ્મીરના ડોડા જિલ્લાના અસાર વિસ્તારમાં બુધવારે એક બસ 300 ફૂટ ઊંડી ખીણમાં પડી હતી. આ અકસ્માતમાં 36 લોકોના મોત થયા હતા. 19 ઘાયલ છે. જેમાંથી છની હાલત ગંભીર છે.
બસ કિશ્તવાડથી જમ્મુ જઈ રહી હતી. પોલીસ અને SDRFની ટીમો સાથે સ્થાનિક લોકોએ પણ રાહત અને બચાવ કાર્ય કર્યું.
બસ ખરાબ રીતે ક્ષતિગ્રસ્ત થઈ ગઈ હતી તેથી મૃતદેહો અને ઘાયલોને બહાર કાઢવા માટે તેને કાપવી પડી હતી.
ઘાયલોને કિશ્તવાડ જિલ્લા હોસ્પિટલ અને સરકારી મેડિકલ કોલેજ (GMC) ડોડામાં દાખલ કરવામાં આવ્યા છે. કેટલાક લોકોને એરલિફ્ટ કરીને જમ્મુ લઈ જવામાં આવ્યા છે.
