मास्को : देशांतर्गत मागणीत वाढ झाल्यानंतर रशियाच्या कृषी मंत्रालयाने साखरेच्या आयातीचा परवाना मिळविण्यासाठीच्या प्रक्रियेत सुधारणा केली आहे. रशियावर पाश्चिमात्य देशांनी लागू केलेल्या निर्बंधांनंतर रशियात साखर आणि इतर अन्नधान्य खरेदीसाठी गर्दी होऊ लागली आहे. मागणी वाढल्याने मार्च महिन्यात खाद्यपदार्थांच्या किमतीत वाढ झाली आहे. अन्नधान्याची साठवण करण्याची गरज नसल्याचे अधिकाऱ्यांनी वारंवार नागरिकांना बजावले आहे. तर कृषी मंत्रालयाने रशियात साखर आयात करण्यासाठी इच्छुक कंपन्यांना कमी कागदपत्रांची मागणी करण्याची गरज आहे.
रशियाने साखरेच्या निर्यातीवर ३१ ऑगस्टपर्यंत निर्बंध लागू केले आहेत. देशांतर्गत महागाई कमी करण्यासाठी लागू केलेल्या उपायांतर्गत ३,००,००० टन साखर आणि कच्ची साखर आयातीसाठी शुल्क मुक्त कोटा निश्चित करण्यात आला आहे. कृषी मंत्रालयाने गुरुवारी सांगितले की, शुल्क मुक्त कोट्याअंतर्गत ४४,००० टन कच्च्या साखरेची पहिली खेप रशियात दाखल झाली आहे. आणि ती लवकरच रिफायनरींपर्यंत पोहोचेल. रशियातील साखर उत्पादकांच्या संघटनेने एका ऑनलाइन परिषदेत म्हटले आहे की, रशियाला या वर्षी सहा मिलियन टनाहून अधिक साखरेचे उत्पादन करणे आणि बीटच्या लागवड क्षेत्रात ७०,००० हेक्टरची वाढ करण्याची अपेक्षा आहे. देशात २०२१ मध्ये ५.९ मिलियन टन साखरेचे उत्पादन करण्यात आले होते.
