पुणे: साखर सहसंचालक(प्रशासन)मंगेश तिटकारे यांना महाराष्ट्र सहकार विकास महामंडळाच्या (एमसीडीसी) व्यवस्थापकीय संचालकपदाची जबाबदारी देण्यात आली आहे. तिटकारे यांनी २४ जुलै रोजी ‘एमसीडीसी’चे व्यवस्थापकीय संचालक पदाचा पदभार स्वीकारला. यापूर्वी ‘एमसीडीसी’चे सध्याचे व्यवस्थापकीय संचालक मिलिंद आकरे यांनी काम पहिले.आकरे यांची पुण्यात रिक्त असलेल्या अपर निबंधक (सहकारी संस्था:तपासणी व निवडणुका) या पदावर बदली करण्यात आली आहे. तिटकारे यांचा कार्यकाल त्यांनी बजावलेल्या कामगिरीमुळे गाजला. या काळात आपल्या पदाची जबाबदारी उत्तमपणे सांभाळतानाच त्यांनी साखर उद्योगावर लिहिलेली पुस्तके गाजली. समग्र साखर उद्योगाचा आढावा घेणारे‘इक्षुदंड ते इथेनॉल’या पुस्तकाचेही ते सहलेखक आहेत.
