मन्सूरपूर : मन्सूरपूर साखर कारखाना कार्यक्षेत्रातील ऊस पिकावर बोअर आणि मेलीबग किडींचा प्रादुर्भाव दिसून आला आहे. या गावांचा कोईंबतूर शुगरकेन इन्स्टिट्यूटचे माजी संचालक डॉ. बक्षी राम यांनी दौरा केला. परिसरातील शेतकर्‍यांच्या ऊस पिकाची पाहणी करून कीड व रोगांच्या प्रतिबंधाबाबत माहिती दिली.
अमर उजालामध्ये प्रकाशित वृत्तानुसार, साखर कारखान्याचे उपाध्यक्ष अरविंद कुमार दीक्षित यांनी सांगितले की, काही शेतांमध्ये पोक्का बोईंग रोगाचाही प्रादुर्भाव झाला आहे. कोईंबतूर शुगरकेन इन्स्टिट्यूटचे माजी संचालक व ०२३८ या प्रगतीशील जातीचे जनक डॉ. बक्षी राम यांनी दुधाहेडी, काकरा, शेरनगर, सोनहाजनी टागण यासह अनेक गावांत शेतकऱ्यांसोबत चर्चा केली. शेतकर्‍यांना अधिक उत्पादन देणार्‍या आणि रोगांपासून सुरक्षित असलेल्या ०११८ या ऊसाच्या वाणाला प्राधान्य द्यावे असे त्यांनी सांगितले. उसाच्या ०२३८ या वाणाला किडीपासून बचावासाठी शेतकऱ्यांनी उसाची रोपवाटिका उभारावी असे आवाहन त्यांनी केले.
