हरगाव: विभागातील अवध शुगर्स अँड एनर्जी मिल लिमिटेड कारखाना शुक्रवारी आपले गाळप बंद करणार आहे. कारखान्याचे उपाध्यक्ष विजयवीर राणा यांनी सांगितले की, अवध शुगर्स अँड एनर्जी लिमिटेडने आतापर्यंत एक कोटी ७३ लाख ६०५०० क्विंटल उसाचे गाळप केले आहे. कारखान्याच्या कार्यक्षेत्रातील सर्व शेतकऱ्यांना नोंदणीप्रमाणे तोडणी पावत्या देण्यात आल्याचे त्यांनी सांगितले.
आता या भागातील शेतकऱ्यांकडे तोडणी पावत्या शिल्लक नाहीत. १४ एप्रिलपासून कारखाना रिक्त आहे. त्याबाबत शेतकऱ्यांना मोबाइल क्रमांकावर तसेच सोशल मीडियातून माहिती देण्यात आली आहे. याशिवाय गावागावात लाऊडस्पीकरवरून कारखाना बंद होणार असून शेतकऱ्यांनी उर्वरीत ऊस तातडीने पाठविण्याचे आवाहान करण्यात आले आहे. कारखाना बंद होणार असल्याची पहिली नोटीसही काढण्यात आली आहे. जर एखाद्या शेतकऱ्याकडे ऊस शिल्लक असेल तर तो १६ एप्रिलपर्यंत पाठवू शकतो. कारखान्याच्या गेटवरही तोडणी पावत्या उपलब्ध आहेत. उपाध्यक्षांनी शेतकऱ्यांना दुसरी नोटीस जारी करताना सांगितले की, शुक्रवारपर्यंत सर्व शेतकऱ्यांनी आपला गाळपयोग्य ऊस कारखान्याला पुरवठा करावा. शुक्रवारी कारखाना गाळप हंगाम २०२०-२१ साठी पूर्णपणे बंद केला जाणार आहे.
