सिंगापूर : शिकागो सोयाबीन वायदा बाजार सोमवारी सलग चौथ्या सत्रात घसरून एक आठवड्यापेक्षा अधिक निच्चांकी स्तरावर पोहोचला आहे. अर्जेंटिनामधील शुष्क उत्पादन क्षेत्रात पावसाची शक्यता असल्याने पुरवठ्याबाबतची चिंता कमी झाली आहे. मक्क्याचा दरही एक आठवड्यापूर्वीच्या कमी स्तरावर आला. तर शुक्रवारी उच्च स्तरावर पोहोचलेल्या गव्हाच्या दरात घसरण झाली.
कॉमनवेल्थ बँक ऑफ ऑस्ट्रेलियाचे कृषी रणनीती संचालक टोबिन गोरे यांनी सांगितले की, अर्जेंटिनाच्या पिक क्षेत्रात सप्ताहाच्या अखेरीस काही प्रमाणात पाऊस झाला. या क्षेत्रातील आद्रतेमुळे पिकातील घसरण थांबणार आहे. यासोबतच पिकाच्या पुर्वानुमानातील कपातही कमी होईल. शिकागो बोर्ड ऑफ ट्रेड (सीबीओटी) वर सर्वाधिक सक्रीय असलेला सोयाबीन करार ०३१५ जीएमटीच्या रुपात ०.७ टक्के वाढ होवून तो १४.९६ डॉलर प्रती बुशल झाला आहे. १२ जानेवारीनंतर तो सर्वात कमी, १४.९५ डॉलरवर पोहोचला होता. मक्क्याच्या दरात ०.६ टक्के घसरण होवून तो ६.७२ डॉलर प्रती बुशल झाला, तो १७ जानेवारीनंतर सर्वात कमी स्थितीत आहे. आणि गहू ०.७ टक्के घसरून ७.३६-१/४ डॉलर प्रती बुशल झाला आहे. यादरम्यान, ब्राझीलमध्ये उच्चांकी प्रमाणात सोयाबीन उत्पादन करण्याच्या मार्गावर आहे.
