सुवा : फिजीचे साखर उद्योग मंत्री चरण जेठ सिंग यांनी ‘चीनीमंडी’तर्फे नवी दिल्ली येथे आयोजित करण्यात आलेल्या भारतातील सर्वात मोठ्या साखर आणि इथेनॉल इंडिया कॉन्फरन्स (SEIC 2024) मध्ये इथेनॉल उत्पादनाच्या दिशेने परिवर्तनासाठी फिजीची दृढ वचनबद्धता व्यक्त केली. मंत्री सिंह यांनी फिजीच्या ऊस उत्पादनातून शेतकरी आणि देशाच्या अर्थव्यवस्थेला इथेनॉलमध्ये वैविध्य आणण्याने फायदा होण्याची क्षमता ओळखून त्याचे असलेले महत्त्व अधोरेखित केले.
फिजी सरकारने शेतकऱ्यांचे उत्पन्न वाढवून, इंधनाची आयात कमी करणे आणि पर्यावरणावर होणारा दुष्परिणाम रोखून शाश्वत भविष्य घडवण्यासाठी इथेनॉल उत्पादनावर लक्ष केंद्रित केले आहे. परिषदेदरम्यान मंत्री सिंग यांनी भारतातील साखर उद्योगातील आघाडीच्या उद्योगपतींशी संवाद साधला. या चर्चेत फिजीच्या साखर क्षेत्राला पुनरुज्जीवित करण्यासाठी आणि त्याला पूर्वीचे महत्त्व मिळवून देण्यासाठी सहयोगी धोरण आखण्यावर लक्ष केंद्रित केले.
‘चीनीमंडी’ने आयोजित केलेल्या SEIC 2024 परिषदेचा समारोप सकारात्मक पद्धतीने झाला. साखर आणि इथेनॉल उद्योगांमध्ये शाश्वतता, नाविन्यता आणि उत्कृष्टतेचा पाठपुरावा करण्याच्या सामायिक वचनबद्धतेचे हे एक प्रतीक आहे. या कार्यक्रमाने सरकारी अधिकारी, मोठे उद्योजक, व्यापारी आणि तज्ञांना एकत्र आणले गेले आणि भविष्यासाठी उपाय शोधण्यावर चर्चा करण्यात आली.
