नवी दिल्ली : ऑटोमोटिव्ह उद्योग आता इलेक्ट्रिक व्हेइकल्स (EV) कडे वाटचाल करत असताना, १४ ऑटोमोटिव्ह ब्रँडचा समूह असलेल्या Stellantis दक्षिण अमेरिका (Brazil) मध्ये नवीन अंतर्गत ज्वलनशील इंजिन (ICEs/internal combustion engines) आणि वाहनांसाठी ६ अब्ज डॉलरच्या गुंतवणुकीची नवी योजना तयार केली आहे. कंपनी या क्षेत्रात ४० हून अधिक कार लॉन्च करण्याची आणि पेट्रोल, इथेनॉलवर चालण्यासाठी डिझाइन केलेले फ्लेक्स-इंधन इंजिन विकसित करण्याची तयारी करत आहे. कंपनीने हायब्रिड-फ्लेक्स आणि प्लग-इन हायब्रीड-फ्लेक्स सेटअपसह वाहने सादर करण्याची योजना आखली आहे. त्यामुळे ज्वलनशील इंजिनला वाढीव कार्यक्षमतेसाठी बॅटरीसह एकत्रित केले जाईल. कंपनी २०२५ ते २०३० या कालावधीत ही गुंतवणूक करणार आहे.
कंपनीचे मुख्य कार्यकारी कार्लोस तवारेस यांनी एका पत्रकार परिषदेत सांगितले की, लॅटिन अमेरिकेच्या सर्वात मोठ्या अर्थव्यवस्थेसाठी स्टेलांटिसच्या योजनांपैकी एक म्हणजे त्याच्या फ्लेक्स-इंधन मॉडेलमध्ये विद्युतीकरणाचे तंत्रज्ञान जोडणे, जे पेट्रोल आणि इथेनॉल दोन्हीवर चालते. भारतानेही इथेनॉलवर चालणाऱ्या वाहनांसाठी लक्षणीय उत्साह दाखवला आहे. केंद्र सरकारने इथेनॉल पुरवठा वर्ष (ईएसवाय) २०२५-२६ पर्यंत इथेनॉल ब्लेंडिंग प्रोग्राम (ईबीपी) अंतर्गत पेट्रोलमध्ये २० टक्के इथेनॉल मिश्रण करण्याचे उद्दिष्ट ठेवले आहे.
Stellantisचे नवीन फ्लेक्स-इंधन हाइब्रिड मॉडेल २०२४ च्या उत्तरार्धात रिलीज केले जाईल. ब्राझीलमध्ये ३१.४ टक्के आणि संपूर्ण प्रदेशात २३.५ टक्के मार्केट शेअरसह दक्षिण अमेरिकेत स्टेलांटिसची मजबूत उपस्थिती कंपनीसाठी या क्षेत्राचे महत्त्व अधोरेखित करते. अर्जेंटिनामधील विक्रीतही ते आघाडीवर आहे. २०२३ मध्ये, Stellantisने दक्षिण अमेरिकेत ८,७८,००० हून अधिक वाहने विकली आहेत आणि २८.६ टक्के मार्केट शेअरसह व्यावसायिक वाहन विभागातील आघाडीचे स्थान कायम राखले आहे.
