न्यूयॉर्क : बँक ऑफ अमेरिका ग्लोबल रिसर्च (BofA)ने साखरेच्या दराबाबतचा अंदाज वर्तवताना म्हटले आहे की, न्यूयॉर्क एसबीसी १ मध्ये बेंचमार्क कच्च्या साखरेच्या किमती स्थिर राहण्याची अपेक्षा आहे. याबाबत बँकेच्या विश्लेषकांनी सांगितले की, जगातील सर्वात मोठा साखर उत्पादक आणि निर्यातदार देश असलेल्या ब्राझीलमध्ये ऊस गाळपादरम्यानचे कोरडे हवामान आणि साओ पाउलो राज्यात अलीकडे लागलेल्या आगीमुळे उत्पादन अपेक्षेपेक्षा कमी होण्याची शक्यता आहे. त्यामुळे जागतिक पातळीवर साखरेच्या किमतीत तेजी पाहायला मिळण्याची शक्यता आहे.
BofA ने म्हटले आहे की, २०२५-२६ मध्ये ब्राझीलमधील उसाचे गाळप प्रमाण धोक्यात आहे. आंतर-पिक कालावधी आणि जंगलातील वणव्याचा परिमाम ऊसाच्या उत्पादनावर झाला आहे. हा ब्राझीलच्या पिकांबाबतचा अनेक अनुमानांपैकी एक अतिरंजीत अनुमान असेल. बीओएफएने जागतिक साखर संतुलनाला ६,५०,००० मेट्रिक टन या छोट्या अतिरिक्त साठ्यावर निष्कर्षनिश्चिती केली आहे. त्यामुळे वापरासाठीचा साठा ५४.१ टक्के होईल. या मुलभूत बाबींमुळे किमती जवळपास २१-२२ सेंट प्रती पाउंडपर्यंत पोहोचू शकतील.
सोमवारी ICE वर साखरेचे भाव १८.८३ सेंट प्रती पौंडवर बंद झाले, जे दोन आठवड्यांच्या नीचांकी आहे. बँकेने म्हटले आहे की, जर भारताने ३ किंवा ४ दशलक्ष टन साखर इथेनॉल उत्पादनात रुपांतरित करण्याची योजना पुढे नेली, तर जागतिक पुरवठ्याची शिल्लक स्थिती बदलेल. सुमारे ३ दशलक्ष टनांची तूट BofA ला अपेक्षित आहे. कमी ऊस पिकांमुळे ब्राझीलच्या बाजारपेठेत इथेनॉलच्या किमती वाढतील. या मूलभूत गोष्टींसह, बँकेने साखर आणि इथेनॉल कंपन्यांना Adecoagro AGRO.N, Raizen RAIZ4.SA आणि Sao Martinho SMTO3.SA साठी खरेदीची शिफारस केली आहे.
