मनिला : साखर उत्पादनातील घसरणीच्या स्थानिक अनुमानांच्या विरुद्ध, अमेरिकन कृषी विभागाला (USDA) पुढील पिक वर्षात फिलिपाइन्समध्ये साखर उत्पादनात वाढीची अपेक्षा आहे. आपल्या नव्या शुगर रिपोर्टमध्ये USDA च्या Foreign Agricultural Service (एफएएस) ने म्हटले आहे की, सप्टेंबर महिन्यापासून सुरू होणाऱ्या आगामी पिक वर्षामध्ये फिलिपाइन्समधील कच्च्या साखरेचे उत्पादन १.९ मिलियन मेट्रिक टनापर्यंत (एमटी) पोहोचू शकते. अहवालात म्हटले आहे की, जागतिक बाजारात साखरेच्या उच्च किमतींमुळे अधिकाधिक शेतकऱ्यांना ऊस लागवडीसाठी प्रोत्साहित केले आहे. आणि चांगल्या खत वापरामुळे अधिक उत्पादन होण्याची अपेक्षा आहे.
या हंगामात हवामानातील बदल आणि कमी खतांमुळे उसाच्या उत्पादनावर परिणाम झाला आहे. सप्टेंबरच्या सुरुवातील गाळपादरम्यान कच्च्या साखरेचा उतारा कमी होता. त्यामुळे अपरिपक्व उसाचे गाळप करण्यात आले. उसाच्या चढ्या दराचा लाभ मिळविण्यासाठी कारखान्याचे गाळप ऑगस्ट २०२२ मध्ये सुरु करण्यात आले होते. अलिकडे, एफएएस अहवालात एल निनोचा कोणताही उल्लेख करण्यात आलेला नाही. एल निनो या वर्षाच्या उत्तरार्धात येण्याची अपेक्षा आहे. त्यामुळे पिकाच्या हंगामात ऊस लावणीसह हवामानाची जोड मिळू शकेल. एसआरए बोर्डाचे सदस्य-प्लांटर्सचे प्रतिनिधी पाब्लो लुइस अजकोना यांनी सांगितले की, अल निनोचा प्रभाव पुढील हंगामात जाणवू शकतो. युनायटेड शुगर प्रोड्युसर्स फेडरेशनने (यूनिफेड) सुद्धा इशारा दिला होता की, हलक्या अल निनोमुळे साखरेचे उत्पादन पाच टक्क्यापर्यंत कमी येवू शकते आणि तो जर तीव्र असेल तर त्यामुळे उत्पादनात १५ टक्क्यापर्यंत घसरण होवू शकते. एफएएसने पुढील पिक हंगामात उसाचे लागवड क्षेत्र थोडे वाढेल असे अनुमान व्यक्त केले आहे. चालू पिक वर्षात ३,८८,००० हेक्टरमध्ये पुढील हंगामात ते वाढून याचे अनुमान ३,९०,००० हेक्टर केले आहे. उच्च उत्पादन आणि उच्च कॅरीओव्हर स्टॉक पाहता २०२४ मध्ये मर्यादीत निर्यात पुन्हा सुरू होण्याची अपेक्षा आहे.