साओ पाउलो : ब्राझीलच्या मध्य-दक्षिणेतील ऊस गाळप आणि साखर उत्पादन जुलैच्या दुसऱ्या सहामाहीत अभ्यासकांच्या अनुमानापेक्षा उच्च स्तरावर पोहोचले आहे. देशातील मुख्य साखर पट्ट्यातील गाळपासाठी कोरडे हवामान अनुकूल आहे. याबाबत UNICA उद्योग समुहाकडून उपलब्ध आकडेवारीनुसार दिसून येते की, या कालावधीत ५२.९६ मिलियन मेट्रिक टन ऊसाचे गाळप करण्यात आले आहे.
एक वर्षापूर्वीच्या समान कालावधीच्या तुलनेत हे उत्पादन ७.८ टक्के अधिक आहे. या विभागातील पाक्षिक आकडेवारी तपासली असता हा एक उच्चांक आहे. सध्याच्या उच्च किमतीचा फायदा उचलण्यासाठी साखर कारखाने या हंगामात साखर उत्पादनासाठी अधिकाधिक ऊस वापरण्याचा विचार करीत आहेत.आर्थिक डेटा प्रदाता एसअँडपी ग्लोबल कमोडिटी इनसाइट्सच्या एका सर्वेक्षणानुसार, ५१.४७ मिलियन टनाच्या पुर्वानुमानापेक्षा हे उत्पादन अधिक आहे.
अभ्यासकांनी म्हटले आहे की, ब्राझीलच्या मध्य – दक्षिण विभागात केवळ सीमेवरील ऊस क्षेत्रात जुलैच्या अखेरीस पावसाची समस्या होती. ऑगस्टच्या पहिल्या सहामाहीत दृष्टिकोनही खूप सकारात्मक आहे. याबाबत UNICA ने म्हटले आहे की, बंपर ऊस गाळपामुळे जुलैच्या अखेरपर्यंत साखर उत्पादन ११.३ टक्क्यांनी वाढून ३.६८ मिलियन टन झाले आहे. तर या कालावधीत इथेनॉल उत्पादन १.४ टक्क्यांनी वाढून २.४६ बिलियन लिटर झाले आहे. या दोन्ही घटकांनी एसअँडपीच्या साखर ३.५८ मिलियन टन आणि इथेनॉल २.४२ बिलियन लिटर या अनुमानास मागे टाकले आहे.
