नवी दिल्ली : चालू २०२४-२५ साखर हंगामात भारतात साखरेचे उत्पादन ३१ मार्च २०२५ पर्यंत २४७.६१ लाख टनांवर पोहोचले आहे. ISMA च्या मते, सध्या देशभरात ९५ कारखाने कार्यरत आहेत आणि प्रमुख साखर उत्पादक राज्यांमध्ये उत्पादन सुरू आहे. उत्तर प्रदेशात आतापर्यंत ८७.५० लाख टन साखरेचे उत्पादन झाले आहे आणि ४८ साखर कारखाने अजूनही कार्यरत आहेत. ऊस लागवडीखालील क्षेत्रात वाढ झाल्यामुळे उसाची उपलब्धता वाढली आहे. उत्तर प्रदेशातील साखर कारखाने एप्रिल २०२५ च्या अखेरपर्यंत सुरू राहातील, अशी अपेक्षा आहे.
महाराष्ट्रात २०० पैकी फक्त सहा कारखाने कार्यरत आहेत. कारखान्यांचे आतापर्यंतच्या एकूण उत्पादनात ८०.०६ लाख टनाचे योगदान आहे. कर्नाटकमध्ये ३९.५५ लाख टन साखर उत्पादन झाले आहे. दक्षिण कर्नाटकातील काही कारखाने जून/जुलै ते सप्टेंबर २०२५ या विशेष हंगामात पुन्हा सुरू होण्याची अपेक्षा आहे, असे ISMA ने एका निवेदनात म्हटले आहे. त्यामध्ये कर्नाटक आणि तामिळनाडू एकत्रितपणे अंदाजे ४ लाख टन साखरेचे उत्पादन करतात. सध्या, ‘इस्मा’ने इथेनॉल उत्पादनासाठी ३५ लाख टन साखर वळवल्यानंतर त्यांचा निव्वळ साखर उत्पादन अंदाज २६४ लाख टनांपर्यंत सुधारित केला आहे.
खालील तक्त्यामध्ये यावर्षीच्या साखर उत्पादनाची राज्यनिहाय माहिती दिली आहे :
(टीप: वरील साखर उत्पादनाचे आकडे साखरेचे इथेनॉलमध्ये रूपांतर झाल्यानंतरचे आहेत)
