नवी दिल्ली : सोसायटी ऑफ इंडियन ऑटोमोबाईल मॅन्युफॅक्चरर्स (एसआयएएम) ने त्यांच्या बायो उपक्रमांतर्गत “भारतातील जैवइंधन क्रांती: उद्याचे इंधन” या थीमसह २०२४ च्या जागतिक जैवइंधन दिनानिमित्त तीसरी आंतरराष्ट्रीय परिषद आयोजित करण्यात आली होती. या परिषदेने भारताच्या शाश्वत ऊर्जा संक्रमणामध्ये जैवइंधनाचे महत्त्व आणि ऑटोमोटिव्ह उद्योगासाठी त्यांचे व्यापक पडताळणी केली.परिषदेत इंडियन शुगर अँड बायोएनर्जी मॅन्युफॅक्चरर्स असोसिएशनचे (इस्मा) अध्यक्ष मांडव प्रभाकर राव म्हणाले की, ऊस हे पाणी आणि जमिनीच्या वापराच्या दृष्टीने सर्वात कार्यक्षम पीक आहे. इथेनॉलमध्ये रुपांतरित होणाऱ्या उसाची टक्केवारी केवळ १५ टक्के आहे, परंतु जर हा हिस्सा १० टक्क्यांनी वाढवला तर भारतीय ऊस उद्योग देशाच्या इथेनॉलच्या ५५ टक्के मागणी पूर्ण करू शकेल.
भारत सरकारच्या पेट्रोलियम आणि नैसर्गिक वायू मंत्रालयातील सहसचिव रोहित माथूर म्हणाले की, आम्हाला जैवइंधनाला चालना देऊन आणि देशांतर्गत संसाधनांचा पूर्ण वापर करून पुढील पाच वर्षांत भरीव प्रगती अपेक्षित आहे. इथेनॉल कार्यक्रम शेतकऱ्यांना मदत करत आहे, परकीय चलन वाचवत आहे आणि ‘इकोसिस्टम’ सुधारत आहे. आम्ही इथेनॉलचे उत्पादन वाढवण्यासाठी प्रगत जैवइंधनामध्ये गुंतवणुकीला प्रोत्साहन देतो आणि लोकांना फ्लेक्स-इंधन आणि इथेनॉल टक्केवारीबद्दल शिक्षित करण्यासाठी व्यापक जागरूकता मोहिमांचे महत्व अधोरेखित करतो. इंडियन ऑइल कॉर्पोरेशनचे संचालक सुजॉय चौधरी यांनी भारतातील जैवइंधनाच्या समतोल विकासाच्या महत्त्वावर भर दिला. जैवइंधन संक्रमणास समर्थन देण्यासाठी त्यांची साठवण क्षमता दहापट वाढली आहे, ते म्हणाले, आज इथेनॉलची वाहतूक पाइपलाइन, रेल्वे आणि रस्ता मार्गे केली जाते.
