साओ पाउलो : ब्राझीलच्या मध्य-दक्षिण क्षेत्रात ऊसाचे गाळप आणि साखर उत्पादन वार्षिक आधारावर नोव्हेंबरच्या पहिल्या सहामाहीत दुप्पटीहून अधिक झाले आहे, असे युनिका उद्योग समुहाने म्हटले आहे. युनिकाच्या एका रिपोर्टमध्ये म्हटले आहे की, या कालावधीत २६.३४ मिलियन टन गाळप झाले. हे गाळप एक वर्षापूर्वीच्या समान कालावधीच्या तुलनेत १०९.३ टक्क्यांनी अधिक आहे. तर साखर उत्पादन १६२.२ टक्क्यांनी वाझून १.६७ मिलियन टन झाले आहे.
आर्थिक सूचना प्रदाता एस अँड पी ग्लोबल कमोडिटी इनसाइट्सच्या एका सर्वेक्षणानुसार, ऊस गाळप आणि साखर उत्पादनाने बाजाराच्या अपेक्षांवर मात केली आहे. यापूर्वी २३.९ मिलियन टन गाळप होईल आणि साखर उत्पादन १.४८ मिलियन टन होईल अशी अपेक्षा होती. पाऊस कमी झाल्याने गाळपाने उसळी घेतली आहे आणि २०२१-२२ मधील समान कालावधीच्या तुलनेत अधिक कारखाने सुरू आहेत.
या हंगामात आतापर्यंत उसाचे गाळप ५१६.८ मिलियन टनापर्यंत पोहोचले आहे, जे गेल्या एक वर्षापेक्षा ०.१ टक्के कमी आहे. तरीही युनिकाने सांगितले की, मात्र या हंगामाअखेर किती गाळप होईल याचे पुर्वानुमान वर्तविणे शक्य नाही. आगामी महिन्यातील पावसावर ते अवलंबून राहिल.
