नजीबाबाद : सहकारी ऊस विकास संस्थेच्या वार्षिक सर्वसाधारण सभेत कंपोस्ट गोदामाच्या दुरुस्तीसह शेतकरी हिताच्या अनेक ठरावांना मंजुरी देण्यात आली. सहकारी ऊस विकास संस्थेचे सचिव डॉ. विजयकुमार शुक्ला यांच्या अध्यक्षतेखाली वार्षिक सर्वसाधारण सभा झाली. लायन्स कम्युनिटी हॉलमध्ये आयोजित सभेत ऊस विकास समितीशी संबंधीत प्रस्तांवांवर चर्चा झाली. माजी विभाग प्रमुख चौ. कुलवीर सिंह, सुनील चौधरी, बेगराज सिंह, हरेंद्र सिंह, नीरज कुमार, देवेंद्र सिंह, पुष्पेंद्र सिंह आदींसह प्रतिनिधी, समिती तथा परिषदेच्या कर्मचाऱ्यांच्या उपस्थितीत गोदाम दुरुस्तीला मंजुरी देण्यात आली.
अमरल उजालाने प्रकाशित केलेल्या वृत्तानुसार, ज्येष्ठ ऊस विकास निरीक्षक मायापती यादव यांच्या उपस्थितीत आयोजित बैठकीत समितीच्या अंतर्गत येणाऱ्या वसाहतींचा महसुली गावांमध्ये समावेश करणे, आगामी गळीत हंगामासाठी साखर कारखान्यांचे क्षेत्र पूर्वीप्रमाणे ठेवणे, समितीची जुनी कर्ज प्रकरणे निकाली काढण्यासह विविध विषयांवर निर्णय घेण्यात आले. ऊस विकास समितीचे सचिव डॉ. विजय कुमार शुक्ल यांनी ऊस उत्पादक शेतकऱ्यांच्या हिताचे काम समिती करेल, त्यांच्या अडचणी कालबद्ध पद्धतीने सोडवू असे आश्वासन दिले.
