नवी दिल्ली : सिस्टिमॅटिक्स इन्स्टिट्यूशनल इक्विटीज ने देशाच्या साखर उद्योगाबाबत सकारात्मक मत मांडले आहे. संस्थेला इथेनॉल फीडस्टॉकचा वापर आणि किमतींबाबत सरकारच्या अनुकूल धोरणांची अपेक्षा आहे. सिस्टिमॅटिक्स ब्रोकरेज हाऊस ने ‘बलरामपूर चिनी’ला ५०१ रुपये प्रती शेअर खरेदी रेटिंग दिले आहे. तर त्रिवेणी इंजिनियरिंग (लक्ष्य किंमत रुपये ४२१ प्रती शेअर), द्वारिकेश शुगर्स (लक्ष्य किंमत रुपये ९६ प्रती शेअर) आणि प्राज इंडस्ट्रीज (लक्ष्य किंमत रुपये ६०७ प्रती शेअर) असे सकारात्मक खरेदी रेटिंग दिले आहे.
केंद्र सरकार २० टक्के इथेनॉल मिश्रणाच्या लक्ष्यासाठी वचनबद्ध असल्याचे मत सिस्टिमॅटिक्स इन्स्टिट्यूशनल इक्विटीजने व्यक्त केले आहे. साखरेचा ८.८५ दशलक्ष टन वाढीव अंदाज असल्याने सरकार पुढील हंगामात सिरप आणि बी-हेवी मोलॅसिसवरील निर्बंध कमी करेल. अधिक ऊस इथेनॉल उत्पादनासाठी वापरला जाईल, अशी अपेक्षा सिस्टिमॅटिक्स ब्रोकरेजला आहे. संभाव्यत: FY२५ मध्ये इथेनॉलचे प्रमाण वाढेल, असेही सिस्टिमॅटिक्स ब्रोकरेज ने म्हटले आहे. याव्यतिरिक्त, मान्सूनचा सकारात्मक अंदाज ऊस लागवडीला चालना देऊ शकतो.
कारखानदारांकडे ३१ मार्च २०२४ पर्यंत जास्त साखर साठा होता, ज्यामुळे खेळत्या भांडवलावर परिणाम झाला आणि व्याजावरील खर्च वाढला. आता हा साठा संपुष्टात आल्याने यात सुधारणा होणे अपेक्षित आहे. २०२४-२५ या हंगामासाठी, Systematix ला कारखानदारांच्या ऑपरेशनल कामगिरीमध्ये लक्षणीय सुधारणा अपेक्षित आहे. सार्वत्रिक निवडणुकांदरम्यान, भारताच्या साखर उद्योगाला धोरणात्मक बदलांचा सामना करावा लागला, ज्यामुळे इनपुट खर्च वाढला. साखरेचा न विकलेला साठा, इथेनॉलची विक्री कमी होणे आणि एकूण उद्योगाच्या क्षमता वापर कमी झाला. अनियमित मान्सून आणि लाल सड रोगामुळेही उत्पादनावर परिणाम होतो आहे, ज्यामुळे ४QFY२४ मध्ये मिलर्सच्या नफ्यावर परिणाम होतो.
डिस्टिलरी विभागात १९ टक्के घट झाल्यामुळे आणि फीडस्टॉक मिक्समधील बदलामुळे कारखान्यांच्या मार्जिनवर परिणाम होवून नफ्यात लक्षणीय घट झाली आहे. साखर विभागाचा नफा विक्रीच्या प्रमाणात २५ टक्क्यांनी घसरल्याने कमी राहिली, ज्यामुळे सरकारने साखर वितरणाचा कोटा कमी केला आणि निर्यात थांबवली. तथापि, ३८ रुपये प्रती किलो (वार्षिक आधारावर ६ टक्क्यांवर) स्थिर साखरेच्या किमतींनी घट कमी केली, परिणामी वार्षिक आधारावर प्रति टन EBIT मध्ये सुधारणा झाली.
