मदुराई : सहकारी साखर कारखाना सुरू करण्याच्या मागणीसाठी राज्य सरकारवर दबाव वाढवताना जिल्ह्यातील १०० हून अधिक ऊस उत्पादक शेतकऱ्यांनी जिल्हाधिकारी कार्यालयास घेराव घातला. तामिळनाडू ऊस उत्पादक शेतकरी संघाचे राज्य उपसचिव एन. पलानीसामी यांनी सांगितले की, आम्ही राज्य सरकारकडे मदुराईमध्ये राष्ट्रीय सहकारी साखर कारखाना सुरू करण्याची कार्यवाही करावी अशी मागणी केली आहे. यापूर्वी आम्ही २०२१ मध्ये याच मागणीसाठी ४६ दिवसांपर्यंत निदर्शने केली होती. त्यानंतर राज्य सरकारने साखर कारखाना सुरू करण्याची घोषणा केली. जिल्ह्यात कारखाना सुरू करण्यासाठी होणाऱ्या खर्चाचा आढावा घेताना एका समितीची स्थापना करण्यात आली. मात्र, समितीने एक अहवाल सादर करण्यापलिकडे काहीच कार्यवाही केली नाही.
ते म्हणाले, जानेवारीत ऊस तोडणी हंगामात ऊस खरेदीसाठी कारखाना तयार करण्यासाठी वेळेची बचत व्हावी यासाठी डिसेंबरपर्यंत, पिकाच्या हंगामात देखभालीचे काम सुरू करणे गरजेचे होते. मात्र, काम आतापर्यंत सुरू झालेले नाही. आगामी पिकाच्या काळात शेतकऱ्यांना पुन्हा अडचणींना सामोरे जावे लागेल. जिल्ह्यात कारखान्याकडे जवळपास २००० एकर ऊस क्षेत्र नोंद असल्याचे त्यांनी सांगितले. कारखाना जानेवारीत सुरू न झाल्यास त्याला मोठा फटका बसण्याची शक्यता आहे.
