महाराष्ट्रात थंडीची जोरदार लाट पसरण्याची शक्यता आहे. नाशिकसह राज्यात अनेक ठिकाणी याचा प्रकोप दिसण्याची शक्यता आहे. तापमानातही जोरदार घट झाली आहे. यादरम्यान, दाट धुक्याचा परिणाम दिसून येत आहे. भारतीय हवामान विभागाने पुढील काही दिवसांत तापमानात घट आणि थंडीत वाढ होण्याची शक्यता निर्माण झाली आहे. हवामान विभागाच्या म्हणण्यानुसार, आज आणि उद्या मध्य महाराष्ट्रातील काही ठिकाणी थंडीच्या लाटेची शक्यता आहे.
दुसरीकडे मुंबईत थंडी वाढली असून दृष्यता कमी झाली आहे. मुंबईत कमाल तापमान नेहमीपेक्षा ६ अंशाने कमी २४.८ तर किमान तापमान ३ अंशाने कमी १३.४ डिग्री सेल्सिअस नोंदले गेले आहे. पुढील काही दिवसांत तापमानाची सरासरी १४ डिग्रीपर्यंत राहील. पुण्यात हवेची गुणवत्ता खूप खराब नोंदली गेली आहे. नागपूरमध्ये अधिक तापमान २८ तर किमान तापमान १२ डिग्री सेल्सिअस राहील अशी शक्यता आहे. नाशिक, औरंगाबाद येथेही अशीच स्थिती राहण्याची शक्यता आहे.
