बँकॉक : थायलंडच्या कॅबिनेटने बायोप्लास्टिक उत्पादनात इथेनॉल मिश्रणासाठी हिरवा कंदील दर्शवला आहे, असे सरकारी प्रवक्ते अनुचा बुरापाचॅश्री यांनी सांगितले. ते म्हणाले की, अधिकाधिक पर्यावरण अनुकूल साहित्याचे उत्पादन करणे हा या निर्णयामागील उद्देश आहे. हा निर्णय बायोप्लास्टिक पॅलेट उत्पादनामध्ये प्रमुख घटक असलेल्या बायोइथिलीनसाठी कर सवलतींसह इथेनॉल बायो प्लास्टिक उत्पादन उद्योगाला पाठबळ मिळेल.
सध्याच्या कायद्यात म्हटले आहे की, देशांतर्गत स्तरावर उत्पादित इथेनॉलचा वापर केवळ इंधन आणि मद्य उत्पादन या दोन्हीसाठी केला जाऊ शकतो. गॅसहोल उत्पादनासाठी इथेनॉलला बेंझिनसोबत मिश्रण केले जाते. मात्र, इलेक्ट्रिक वाहनांच्या वाढत्या लोकप्रियतेमुळे आणि पेट्रोलच्या खपात घट झाल्यामुळे औद्योगिक वापरासाठी इथेनॉल वाटप करण्यात येत आहे. यामुळे बायोप्लास्टिक उत्पादन, जागतिक पर्यावरण संरक्षण आणि सरकारच्या ग्रीन (बीसीजी) आर्थिक मॉडेल विकसित करण्याचे उद्दिष्ट लाभदायी ठरते.
इथेनॉल बायोप्लास्टिक उत्पादनाच्या वापरास पाठबळ देऊन सरकार बायोडिग्रेडेबल साहित्याच्या निर्मितीत प्रोत्साहन देत आहे. पारंपरिक प्लास्टिक इथिलीनपासून तयार केले जाते. ते पेट्रोकेमिकल्स पासून मिळते. मात्र, या प्रक्रियेत इथेनॉल वापरल्यास कार्बन डायऑक्साइड उत्सर्जनात खूप घट होते.
याशिवाय सरकारने विविध उद्योगांमध्ये इथेनॉल वापरासंबंधी पाच निर्देश जारी केले आहेत. तज्ज्ञ, इथेनॉल उत्पादक, इथिलीन कारखान्यांसोबत भागीदारीमध्ये उच्च शिक्षण, विज्ञान, संशोधन आणि नवाचार मंत्रालयाच्या नेतृत्वाखाली इथेनॉल उत्पादन मानकांचा विकास याचा समावेश यात आहे. बँकॉक पोस्टच्या म्हणण्यानुसार, शाश्वत इथेनॉल बायोप्लास्टिक उत्पादन निश्चित करताना उद्योगांमध्ये कौशल्य आणि दक्षतेचे आकलन करण्यासाठी तंत्रज्ञानयुक्त मानकांची गरज आहे.
दुसरा निर्देश इथेनॉल बायोप्लास्टिक उद्योगाची मागणी पूर्ण करण्यासाठी इथेनॉल वितरणाच्या प्रमाणाबाबत आहे. तिसरा निर्देश इथेनॉल खरेदीची देखरेख आणि देशांतर्गत उत्पादन पुरेसे नसेल अथवा मानके पुर्ण होत नसल्यास राष्ट्रीय इथेनॉल समिती स्थापनेबाबत आहे. चौथा निर्देश शेतकरी आणि देशांतर्गत इथेनॉल उत्पादकांच्या कौशल्य विकासावर केंद्रीत आहे. सरकार उद्योगांमध्ये इथेनॉल वापरास प्रोत्साहन देण्यासाठी कायदे व नियमात सुधारणांचा प्रयत्न करीत आहे.
