नवी दिल्ली : अन्न आणि सार्वजनिक वितरण विभागाने (DFPD) धोरणात्मक निर्णय घेण्यासाठी साखर कारखाने आणि डिस्टिलरीजकडून डेटा मागवला आहे. सीईओ/एमडी यांच्याशी संवाद साधताना, DFPD कडून सांगण्यात आले की, DFPD साखर कारखाने आणि डिस्टिलरीजचा डेटा गोळा करत आहे, ज्यायोगे साखर कारखानदार आणि डिस्टिलरीजच्या संदर्भात सर्वसमावेशक धोरणात्मक निर्णय घेण्यास मदत होणार आहे.
साखर कारखाने आणि डिस्टिलरीजची उत्पादन क्षमता, उत्पादने/उप-उत्पादने, सह-उत्पादन आणि इथेनॉल व्याज सबव्हेंशन योजनेचे फायदे याबद्दल माहिती गोळा करण्याचे काम सुरू आहे.साखर कारखान्यांना आणि डिस्टिलरीजना 31 मे 2024 पर्यंत विहित प्रोफॉर्मामध्ये संपूर्ण डेटा जमा करण्यास सांगितले आहे. संपूर्ण डेटा वेळेवर cdsugar.fpd@nic.in, sostat.dsvo@gov.in आणि thanol.fpd@gov.in वर ईमेल वर करण्याचे निर्देश देण्यात आले आहेत.
