नवी दिल्ली : भारताने ७ जानेवारी २०२४ पर्यंत १०.७७ टक्के इथेनॉल मिश्रण गाठले आहे. सूत्रांनी दिलेल्या माहितीनुसार, सध्याच्या इथेनॉल पुरवठा हंगाम २०२३-२४ मध्ये, साखरेवर आधारित फीडस्टॉकने ७ जानेवारी २०२४ पर्यंत एकूण ४९.२८ कोटी लिटर इथेनॉलचा पुरवठा केला आहे. तर १२१.३५ कोटी लिटरचे करार करण्यात आला आहे.
या कालावधीत उसाच्या रसातून पुरवले जाणारे इथेनॉल ३१.३६ कोटी लिटर आहे, तर करार केलेले प्रमाण ४५.१५ कोटी लिटर आहे. बी-हेवी मोलॅसेसमधून पुरवले जाणारे इथेनॉलचे करार केलेले प्रमाण ७३.४३ कोटी लीटरच्या तुलनेत पुरवठा झालेले प्रमाण १६.३९ कोटी लीटर आहे आणि सी-हेवी मोलॅसेसमधून पुरवठा केलेले इथेनॉल १.५३ कोटी लीटर आहे. तर एकूण २.७८ कोटी लिटरचा करार झाला आहे.
जर आपण धान्यावर आधारित इथेनॉल पुरवठ्याबद्दल विचार केला तर, ७ जानेवारी रोजी १४५.४१ कोटी लिटरच्या कराराच्या तुलनेत एकूण इथेनॉल पुरवठा २४.३३ कोटी लिटर आहे. खराब झालेले अन्नधान्य (डीएफजी) पासून उत्पादित इथेनॉल ८७.२२ कोटी लीटरच्या कराराच्या तुलनेत १४.५८ कोटी लिटरचा पुरवठा झाला आहे. मक्यापासून उत्पादित इथेनॉलचा ४२.३२ कोटी लिटरच्या कराराच्या तुलनेत ९.७५ कोटी लिटर पुरवठा झाला आहे. मोलॅसेस-आधारित डिस्टिलरी आणि धान्य-आधारित डिस्टिलरी या दोन्हींमधून एकूण इथेनॉलचा पुरवठा ७३.६२ कोटी लिटर झाला आहे. तर एकूण २६६.७६ कोटी लिटरचा करार झाला आहे.
