लंडन : जगातील सर्वात मोठ्या आयातदारांपैकी एक असलेल्या चीनमध्ये कमी उत्पादन झाल्यानमुळे ऑक्टोबर २०२१-२२ पासून सुरू झालेल्या २०२१-२२ या हंगामात जागतिक साखर पुरवठ्याचे संतुलन बिघडण्याची शक्यता आहे, असे ब्रोकर स्टोनएक्सने (Broker StoneX) म्हटले आहे. स्टोनएक्सने १.९ मिलियन टन पुरवठ्यातील कमतरतेचे अनुमान जाहीर करताना सांगितले की, हंगामात सलग तिसऱ्या वर्षी उत्पादनापेक्षा मागणी अधिक होण्याची शक्यता दिसून आली आहे.
आणि नोव्हेंबरमध्ये अंदाजीत १.८ मिलियन टनाचेक्षा अधिक आहे. स्टोनएक्सने भारत आणि थायलंडमध्ये साखर उत्पादनाचे ३१.५ मिलियन टन आणि १०.७ मिलियन टनाचे अनुमान व्यक्त केले आहे.
स्टोनएक्सने आपल्या अहवालात म्हटले आहे की, चीनमधील महत्त्वाचे साखर उत्पादक क्षेत्र असलेल्या गुआंग्शीमध्ये थंडीचा परिणाम दिसू लागला आहे. शेतकरी इतर पिकांकडे वळल्याचा परिणामही साखर उत्पादनावर झाला आहे. स्टोनएक्सने सांगितले की, त्यांनी २०२१-२२ (ऑक्टोबर-सप्टेंबर) या काळात चीनमध्ये साखर उत्पादनाचा आपला अंदाज ३,००,००० टनाने घटवून १० मिलियन टन केला आहे. गेल्या हंगामाच्या तुलनेत हे अनुमान ६.३ टक्के कमी आहे. अशा स्थितीत चीनकडून आयातीमध्ये मोठी वाढ होईल. ही आयात ४५ लाख ते ५५ लाख टनादरम्यान राहण्याची शक्यता आहे.
