बिजनौर: उत्तर प्रदेशमध्ये ११९ पैकी ९५ साखर कारखान्यांचे गाळप समाप्त झाले आहे. प्रसार माध्यमांतील वृत्तानुसार, कारखान्यांकडून अद्याप ऊस बिले थकीत आहेत. दीर्घकाळ पैसे थकीत असल्याने शेतकरी शेतातील इतर पिकांची देखभाल करण्यास असमर्थ बनले आहेत. डिझेलच्या वाढत्या दरामुळे शेतकऱ्यांची चिंता वाढवली आहे. ट्रॅक्टर आणि जनरेटरचा वापर शेतीकामांसाठी करणे कठीण बनले आहे.
आझाद किसान युनीयनचे राष्ट्रीय अध्यक्ष राजेंद्र सिंह यांनी प्रसार मआध्यमांना सांगितले की सरकार वेळेवर शेतकऱ्यांना पैसे मिळवून देण्यात अपयशी ठरली आहे. पुढील गळीत हंगामातील पिकांची चांगली देखभाल करण्यासाठी शेतकऱ्यांकडे पैसे उपलब्ध नाहीत. डिझेल आणि खतांच्या किमतींनी शेतकऱ्यांची अवस्था अतिशय बिकट केली आहे. याशिवाय विज दरातही वाढ झाली आहे. गेल्या काही वर्षांत एसएपीमध्ये वाढ झालेली नाही. गाळप हंगाम समाप्तीच्या मार्गावर आहे. मात्र, अद्याप ऊसाचे पैसे थकीत आहेत. सरकारने वेळेवर पैसे न देणाऱ्या कारखान्यांच्या मालकांविरोधात कडक कारवाई करण्याची गरज आहे. सिंह म्हणाले, जर कारखान्याचे मालक आर्थिक अडचणींचा सामना करावा करत असतील तर ते कर्ज घेऊ शकतात. कारखान्यांनी सॅनिटायझर आणि गूळ विक्रीतून फायदा मिळवला आहे असे ते म्हणाले.
