लखनौ : टोयोटा किर्लोस्कर मोटरने देशात इथेनॉल उत्पादनास प्रोत्साहन देणे आणि जागरुकता निर्माण करण्यासाठी इंडियन शुगर मिल्स असोसिएशन (ISMA) सोबत एका सामंजस्य करारावर (MoU) स्वाक्षरी केली आहे. उत्तर प्रदेशात राज्यातील पहिल्या साखर कारखान्याच्या स्थापनेस १२० वर्षे पूर्ण झाल्याबद्दल आयोजित एका समारंभात उत्तर प्रदेशचे मुख्यमंत्री योगी आदित्यनाथ, अन्य प्रमुख सरकारी अधिकारी आणि मान्यवरांच्या उपस्थितीत या सामंजस्य कराराची देवाण-घेवाण करण्यात आली. यावेळी वरिष्ठ उपाध्यक्ष आणि मुख्य संचार अधिकारी सुदीप एस. दळवी उपस्थित होते. कार्यक्रमात ओईएमने आपल्या फ्लेक्सी-फ्युएल मजबूत हाइब्रिड इलेक्ट्रिक वाहनासोबत अनुभवात्मक सादरीकरण केले.
ISMA देशातील भारत सरकार आणि साखर उद्योगादरम्यान, इथेनॉल उत्पादनात महत्त्वपूर्ण भूमिका बजावत आहे. आणि देशातील आवश्यक इथेनॉल इंधन उपलब्धता सक्षम करण्यासाठी चांगली कामगिरी करीत आहे. या एमओयूच्या माध्यमातून टीकेएम आणि ISMA चे उद्दिष्ट स्वदेशी वैकल्पिक स्वच्छ इंधनाच्या रुपात इथेनॉल स्वीकारण्यास गती देण्याचे आहे. त्यामुळे जीवाश्म इंधनाच्या सोबत कार्बन फुटप्रिंट्सवरील अवलंबित्व कमी करण्यासाठी आपल्या देशाच्या ध्येयामध्ये योगदान देता येईल. भारत सरकार जैव ईंधनाच्या रुपात इथेनॉलचा वापर सक्रीय रुपात करण्यावर भर देत आहे. आणि २०२५ पर्यंत पेट्रोलमध्ये २० टक्के इथेनॉल मिश्रण प्राप्त करण्याचे महत्त्वाकांक्षी उद्दिष्ट ठेवण्यात आले आहे. २० टक्के इथेनॉलमुळे भारत परकीय चलनात ३०,००० कोटी रुपयांची बचत आणि कार्बन उत्सर्जन १० मिलियन टन कमी करण्यास मदत करेल.
इंडियन शुगर मिल्स असोसिएशनचे अध्यक्ष आदित्य झुनझुनवाला यांनी सांगितले की, आम्ही इथेनॉल जागरुकता वाढविणे आणि त्यास व्यापक रुपात स्वीकारण्यासाठी प्रोत्साहित करण्यासाठी अपेक्षा करीत आहोत. इथेनॉल भारताच्या ऊर्जा मिश्रणाचा एक महत्त्वपूर्ण हिस्सा आहे. आणि यासाठीच्या संयुक्त प्रयत्नांमुळे आम्ही ऊर्जा क्षेत्रातील आत्मनिर्भरता मिळविण्यासाठी मोठ्या लक्ष्यामध्ये चांगले योगदान देण्याची आशा आहे.
