કુશીનગરઃ ઉત્તર પ્રદેશ સરકાર દ્વારા મહિલાઓને આત્મનિર્ભર બનાવવા માટે ઘણા પગલા લેવામાં આવી રહ્યા છે. શેરડી વિભાગ દ્વારા મહિલાઓને શેરડીના રોપા તૈયાર કરવાની તાલીમ આપવામાં આવી રહી છે. જેના કારણે મહિલાઓની આવક વધી રહી છે. કૃષિ તજજ્ઞોએ કાસ્યા તાલુકા વિસ્તારના બડેસરા ગામમાં મહિલા સ્વ-સહાય જૂથની મહિલાઓને શેરડીની નર્સરી તૈયાર કરવાની પદ્ધતિ જણાવી.
સરસ્વતી સ્વસહાય જૂથની મહિલાઓને ડો. પૂર્ણિમા, અંકુર શ્રીવાસ્તવ, ડો. નવનીત ત્યાગી અને ઉગ્રસેન શાહી દ્વારા તાલીમ આપવામાં આવી હતી. ન્યૂ ઈન્ડિયા સુગર મિલના આસિસ્ટન્ટ શેરડી મેનેજર સંતોષ કુમાર સિંઘે જણાવ્યું હતું કે ગૃપના સભ્યો શેરડીની નર્સરી તૈયાર કરીને આત્મનિર્ભર બની શકે છે. મિલ જૂથો અને ખેડૂતોને સમયાંતરે માહિતી પૂરી પાડે છે. આ દરમિયાન શેરડી સુપરવાઈઝર રામાનંદ સિંહ, અંકિત શુક્લા, વિનીત, ગ્રુપ પ્રમુખ ઉષા દેવી, સરિતા દેવી, શીલા દેવી, સુનીતા દેવી, રાધિકા દેવી, પ્રભાવતી દેવી વગેરે હાજર રહ્યા હતા.
