नवी दिल्ली/काठमांडू: पायाभूत सुविधांमध्ये सुधारणा केल्यानंतर, विस्तारित मोतिहारी-अमलेखगंज पाइपलाइनद्वारे भारतातून पेट्रोलियम पदार्थांच्या आयातीची चाचणी शनिवारपासून सुरू झाली आहे. यापूर्वी या पाइपलाइनद्वारे नेपाळला फक्त डिझेलचा पुरवठा केला जात होता, परंतु शनिवारी भारताने या ट्रायलला सुरुवात केली. अमलेखगंजमधील नेपाळ ऑईल कॉर्पोरेशन (NOC) च्या मधेश प्रांतीय कार्यालयाचे प्रमुख प्रलयंकर आचार्य यांनी केरोसीन आणि पेट्रोलची आयातीला दुजोरा दिला. ते म्हणाले, चाचणीसाठी 5,500 किलोलिटर पेट्रोल आणि 1,000 किलोलिटर रॉकेल पाइपलाइनद्वारे आयात करण्यात आले आहे.
पेट्रोलियम उत्पादनांची नियमित आयात जानेवारी 2025 मध्ये सुरू होणार होती, परंतु तयारीत थोडा विलंब होण्याची शक्यता आहे, असे आचार्य यांनी ANI ला फोनवरून सांगितले. इंडियन ऑइल कॉर्पोरेशनने हाती घेतलेल्या या विस्तारित प्रकल्पामध्ये अमलेखगंज येथील डेपोच्या पायाभूत सुविधांमध्ये लक्षणीय सुधारणा झाली आहे. त्यात मोठ्या स्टोरेज टाक्या बांधणे, स्वयंचलित लोडिंग सुविधा, एक पंप हाउस आणि एक समर्पित प्रयोगशाळा यांचा समावेश आहे. सुरक्षा आणि ऑपरेशनल कार्यक्षमता सुधारण्यासाठी एक नवीन अग्निशमन यंत्रणा आणि तेल आणि पाणी वेगळे करण्यासाठी यंत्रणा देखील स्थापित करण्यात आली आहे.
यामुळे वाहतुकीदरम्यान होणारे तांत्रिक नुकसान दूर होणार असून टँकर आयातीच्या तुलनेत खर्च कमी आणि वाहनांमधून होणाऱ्या उत्सर्जनामुळे होणारे पर्यावरण प्रदूषण कमी होण्यास मदत होणार असल्याचे ते म्हणाले. एकदा प्रकल्प पूर्णपणे कार्यान्वित झाल्यानंतर, डेपोमध्ये 24,840 किलोलिटर डिझेल आणि 16,630 किलोलिटर पेट्रोलची साठवण क्षमता असेल. ज्यामुळे नेपाळमधील पेट्रोलियम उत्पादनांसाठी अधिक स्थिर आणि कार्यक्षम पुरवठा साखळी सुनिश्चित होईल, असेही ते म्हणाले.
इथेनॉल इंडस्ट्रीच्या संबंधित चालू घडामोडी आणि अपडेट्स जाणून घेण्यासाठी वाचत रहा चिनीमंडी.
