डोडोमा : टांझानियाने २०१९ मध्ये युगांडावर साखर निर्यातीबाबत लादलेले निर्बंध पूर्णपणे हटविण्याचे आश्वासन दिले आहे. मात्र युगांडा शुगर मॅन्युफॅक्चरर्स असोसिएशनच्या म्हणण्यानुसार, मॅन्युफॅक्चरर्स आणि डिलर्सनी सांगितले की, त्यांना २०२० मध्ये टांझानियाला साखर निर्यात पुन्हा सुरू करण्याची परवानगी देण्यात आली होती, मात्र त्यावेळी त्यांना खूप मोठ्या अडचणींना तोंड द्यावे लागले. त्यामुळे साखरेचा व्यापार करणे जवळपास अशक्य होऊन बसले आहे.
युगांडा दरवर्षी १०,००० टन साखर निर्यात करेल अशी घोषणा टांझानियाने केली होती, असा दावा असोसिएशने केला आहे. मात्र यासाठी डिलर्सना आवश्यक तो कोटा मंजूर करण्यात आला नाही. युगांडा शुगर मॅन्युफॅक्चरर्स असोसिएशनचे अध्यक्ष जिम काबेहो यांनी सांगितले की ते टांझानियाला २०,००० टनाची निर्यात करत होते. मात्र काबेहो यांनी सांगितले की, हे वर्ष सुरू झाल्यानंतर मात्र त्यांनी टांझानियाला साखर निर्यात केलेली नाही. तरीही दोन्ही देशांनी २०,००० टन वार्षिक कोट्यास मंजुरी दिली आहे. दरम्यान, टांझानियाच्या बाजारापर्यंत पोहोचण्यासाठी डिलर्स आणि उत्पादकांना अडचणींना तोंड द्यावे लागत आहे.
