वॉशिंग्टन : यू. एस. एनर्जी इन्फॉर्मेशन ॲडमिनिस्ट्रेशनने पाच मार्च रोजी जारी केलेल्या आकडेवारीनुसार, २८ फेब्रुवारी रोजी संपलेल्या आठवड्यात अमेरिकेच्या ऊर्जा क्षेत्रात २ टक्क्यांनी वाढ झाली आहे. यामध्ये इंधन इथेनॉल उत्पादनात १ टक्याची वाढ झाली. तर इथेनॉलच्या आठवड्याच्या बंद होणाऱ्या साठ्यात १ टक्याची घट झाली आणि निर्यात ७ टक्यांनी वाढली. २८ फेब्रुवारी रोजी संपलेल्या आठवड्यात इथेनॉलचे सरासरी उत्पादन दररोज १.०९३ दशलक्ष बॅरल होते. मागील आठवड्याच्या १.०८१ दशलक्ष बॅरल प्रतिदिन उत्पादनापेक्षा हे उत्पादन १२,००० बॅरल प्रतिदिनने जास्त आहे. या आठवड्यात गेल्यावर्षीच्या समान आठवड्याच्या तुलनेत उत्पादन ३६,००० बॅरल प्रतिदिन जास्त होते.
दरम्यान, २८ फेब्रुवारी रोजी संपलेल्या आठवड्यात इथेनॉलचा साप्ताहिक अंतिम साठा २७.२८९ दशलक्ष बॅरलपर्यंत घसरला. मागील आठवड्याच्या २७.५७१ दशलक्ष बॅरलच्या अंतिम साठ्यापेक्षा हा साठा २८२,००० बॅरलने कमी आहे. गेल्यावर्षीच्या समान आठवड्याच्या तुलनेत या आठवड्यातील साठा १.२३८ दशलक्ष बॅरलने वाढला आहे. आता संपलेल्या आठवड्यात इथेनॉलची सरासरी दररोज १२३,००० बॅरल निर्यात झाली, जी मागील आठवड्याच्या ११५,००० बॅरल प्रतिदिन निर्यातीपेक्षा ८,००० बॅरल प्रतिदिन जास्त आहे. गेल्यावर्षीच्या याच आठवड्याच्या तुलनेत, २८ फेब्रुवारी रोजी संपलेल्या आठवड्यात निर्यातीत दररोज ११,००० बॅरलची वाढ झाली. तर या आठवड्यात इंधन इथेनॉलची कोणतीही आयात नोंदवली गेली नाही.
