नवी दिल्ली: अमेरिका भारतात कृषी निर्यात वाढवण्यासाठी आणि दुग्धव्यवसाय क्षेत्रात घनिष्ठ भागीदारी करण्यास उत्सुक असल्याचे मत अमेरिकेचे राजदूत एरिक गार्सेटी यांनी मंगळवारी सांगितले. इंडो-अमेरिकन चेंबर ऑफ कॉमर्सने आयोजित केलेल्या 20 व्या भारत-अमेरिका आर्थिक शिखर परिषदेत ते बोलत होते. गार्सेट्टी म्हणाले की, भारतातील दुग्धव्यवसाय आणि इतर क्षेत्रातील उत्पादकता घसरली असून अमेरिकन कंपन्या त्यामध्ये सुधारणा करू शकतात. एरिक गार्सेट्टी म्हणाले की, भारताने आपली बाजारपेठ इतर देशांना खुली करण्याबाबत नेहमीच सावध भूमिका घेतली आहे.
यूएस डिपार्टमेंट ऑफ ऍग्रीकल्चर (USDA) नुसार, 2022 पर्यंत, 200 अब्ज डॉलर्सच्या कृषी निर्यातीसह भारत हे अमेरिकेसाठी 13 वे सर्वात मोठे गंतव्यस्थान होते. USDA ने भारताला केलेल्या $2.2 अब्ज कृषी निर्यातीपैकी जवळपास निम्मा वाटा ($1 बिलियन) बदामाचा आहे. त्यानंतर कापूस ($494 दशलक्ष) आणि इथेनॉल ($211 दशलक्ष) चा समावेश आहे. USDA ने आपल्या 2022 च्या कृषी निर्यात वार्षिक पुस्तकात म्हटले आहे की, भारत यूएस सोयाबीन तेलासाठी सर्वात मोठे आणि इथेनॉलसाठी चौथे सर्वात मोठे गंतव्यस्थान आहे. इंडोनेशिया, मलेशिया, अर्जेंटिना आणि ब्राझील नंतर अमेरिका भारताचा पाचवा सर्वात मोठा कृषी माल पुरवठादार आहे.
