संयुक्त राज्य अमेरिका कृषी विभागाच्या (यूएसडीए) विदेशी कृषी सेवेने (एफएएस) आपल्या नव्या अहवालात 2019-20 च्या हंगामात भारतात साखरेचे उत्पादन घटण्याच्या अंदाजामुळे जागतिक साखर उत्पादन 6 दशलक्ष टनाने कमी होवून 174 दशलक्ष पर्यंत कमी होण्याचा अंदाज वर्तवला आहे.
अहवालात म्हटले आहे की, ऊसाचा उपयोग अधिक करुन इथेनॉलसाठी केल्यामुळे साखर उत्पादन यावेळी ब्राझील मध्ये 29.4 दशलक्ष टनाहून थोडे कमी होण्याचे अनुमान आहे. आंतरराष्ट्रीय बाजारात साखरेच्या घटत्या किंमतींनी ब्राझीलला इथेनॉल उत्पादनावर भर देण्यास मदत केली आहे. साखरेच्या अतिरिक्त उत्पादनाने किंमती कमी केल्या आहेत आणि कारखाने आपल्या आवडीच्या इथेनॉल उत्पादनाकडे वळले आहेत.
अलीकडेच इंडियन शुगर मिल्स असोसिएशनच्या आकड्यानुसार, भारतात चालू हंगामा दरम्यान, 15 नोव्हेंबर 2019 पर्यंत 4.85 लाख टन साखर उत्पादन झाले आहे, 2018-19 च्या हंगामात 15 नोव्हेंबर 2018 पर्यंत हे उत्पादन 13.38 लाख टन होते. भारतात नव्या हंगामात साखर उत्पादनात 64 टक्के घट होवू शकते.
हि बातमी ऐकण्यासाठी प्ले बटन दाबा.
