उत्तर प्रदेश : थकीत ऊस बिलांप्रश्नी आंदोलनाचा भाकीयूचे राष्ट्रीय प्रवक्ते राकेश टिकेत यांचा इशारा

मोदीनगर : साखर कारखानदारांनी जर उसाचे पैसे लवकर दिले नाहीत तर आंदोलन छेडले जाईल, असा इशारा भारतीय किसान युनियनचे राष्ट्रीय प्रवक्ते राकेश टिकैत यांनी दिला. मोदी शुगरसह अनेक कारखान्यांचे उसाचे पेमेंट प्रलंबित असल्याचे त्यांनी सांगितले. बुधवारी कसबा पाटला येथे आयोजित किसान पंचायतीत टिकेत बोलत होते. त्यांनी सांगितले की, जर या कारखानदारांनी लवकर पैसे दिले नाहीत तर भाकियूचे कार्यकर्ते निषेध आंदोलन करतील.

टिकेत म्हणाले की, काही मोठ्या कंपन्या कृषी क्षेत्रावर लक्ष ठेवून आहेत. केंद्र सरकार एक धोरण आणत आहे, ज्यामुळे दूध बाहेरून येईल. जर दूध बाहेरून आले तर देशातील शेतकऱ्यांची परिस्थिती बिकट होईल. मोठ्या कंपन्या कृषी क्षेत्र ताब्यात घेऊ इच्छितात. हे होऊ दिले जाणार नाही असे ते म्हणाले. शेतकऱ्यांच्या पंचायतीमध्ये सामील होण्यापूर्वी, टिकेत यांनी बाबा गंगाराम स्वामींच्या समाधी स्थळावर फुले अर्पण केली. शेतकरी चळवळीदरम्यानच समाधीस्थळी नतमस्तक होण्याची घोषणा करण्यात आली होती, जी आज पूर्ण झाली असे ते म्हणाले. भाकियूचे जिल्हा उपाध्यक्ष वीरेंद्र त्यागी यांच्या नेतृत्वाखाली राज चौपाल आदींनी टिकेत यांचे स्वागत केले. यावेळी बिजेंद्र सिंग, कुलदीप त्यागी, शुभम, शशांक, निशांत, रामावतार, पप्पी आणि नेपाल सिंग उपस्थित होते.

LEAVE A REPLY

Please enter your comment!
Please enter your name here