आझमगड : सध्या पूर्वांचलमधील शेतकऱ्यांचा ऊस लागवडीकडे कल वाढत आहे. आझमगडसह आसपासच्या पाच जिल्ह्यांमध्ये ऊस लागवडीखालील क्षेत्रात वाढ होऊ लागली आहे. गेल्यावर्षीच्या तुलनेत यंदा या जिल्ह्यांमध्ये ऊस लागवड क्षेत्रात सुमारे २७०० हेक्टरने वाढ झाली आहे. गेल्यावर्षी १२,५०० हेक्टरवर ऊस शेती करण्यात आली होती. यावर्षी शेतकऱ्यांनी १५,२०० हेक्टरवर ऊस लागवड केली आहे. उत्तर प्रदेश ऊस आणि साखर उत्पादनात वर्षानुवर्षे प्रगती करत आहे. उत्तर प्रदेश साखर उत्पादनात देशातील आघाडीवरील राज्य म्हणून उदयास आले आहे. राज्य सरकारकडून ऊस शेतासाठी सातत्याने प्रोत्साहन दिले जात आहे.
आझमगडसह मऊ, गाझीपूर, जौनपूर आणि वाराणसी येथील शेतकरी आझमगडच्या साठियांव शुगर मिलला ऊस पुरवठा करणार आहेत. दरवर्षीप्रमाणे यंदाही कारखान्याला ऊस पुरवठा करण्यासाठी विभागातील पाच जिल्ह्यांमध्ये ऊस लागवड क्षेत्राचे सर्वेक्षण करण्यात आले. हे सर्वेक्षण मऊ, गाझीपूर, जोधपूर आणि वाराणसीसह आझमगडमध्ये करण्यात आले आहे. गेल्या तीन वर्षांत उसाचे क्षेत्र वाढताना दिसत आहे. यंदा २०२४-२५ मध्ये १५,२०० हेक्टरवर उसाची लागवड झाली आहे. २०२३-२४ च्या गळीत हंगामात १२,५०० हेक्टर आणि २०२२-२३ च्या गळीत हंगामात १०,३०० हेक्टरवर उसाची लागवड झाली होती.
