लखनौ : मुख्यमंत्री योगी आदित्यनाथ यांची ‘पंचामृत योजना’ (Panchamrut Yojana) शेतकऱ्यांचे उत्पन्न दुप्पट करण्याचे उद्दिष्ट गाठण्यास मदत करेल, अशी घोषणा उत्तर प्रदेश सरकारने केली आहे. योगी सरकारने गेल्या गळीत हंगामात ऊसाचे समर्थन मूल्य वाढवले होते. त्यानुसार उसाच्या प्रगत वाणासाठी ३५० रुपये, नियमित वाणासाठी ३४० रुपये आणि अनुपयुक्त वाणासाठी ३३५ रुपये असा दर करण्यात आला होता.
उत्तर प्रदेश सरकारने जारी केलेल्या प्रसिद्धी पत्रकानुसार, पंचामृत योजनेअंतर्गत उसाचा उत्पादन खर्च कमी करण्यासह पाच तंत्राच्या माध्यमातून उत्पादकता आणि जमिनीतील खतांचे प्रमाण वाढविण्यासाठी प्रयत्न केले जातील. उसाच्या लागणीचे व्यवस्थापन, मल्चिंग, ठिबक सिंचन आणि पूरक पिकांचा यात समावेश आहे. पाण्याची बचत करणे आणि ऊसाचा पाला जाळणे तसेच पानांचा अधिक वापर करून उत्पादन खर्च कमी करणे हा योजनेचा उद्देश आहे. शिवाय, खते आणि किटकनाशकांचा वापर कमी करणे, अधिक उत्पादकतेसाठी एकापेक्षा अधिक पिकांची शेती करण्यास प्रोत्साहन देणे, शेतकऱ्यांच्या उत्पन्नात वाढ केले जातील. प्रदूषण नियंत्रण करण्यासाठी पाचट जाळण्याची गरज भासू दिली जाणार नाही.
ऊस विकास विभागातील एका अधिकाऱ्याच्या म्हणण्यानुसार, पंचामृत योजनेंतर्गत राज्यातील एकूण २०२८ शेतकऱ्यांची निवड मॉडेल भूखंड विकसित करण्यासाठी केली जाईल. या भूखंडाचे किमान क्षेत्र ०.५ हेक्टर असेल. तर मध्य आणि पश्चिमी उत्तर प्रदेश ऊस विकास परिषदांमध्ये किमान १५ भूखंड आणि पूर्व उत्तर प्रदेशात १० भुखंडांची निवड केली जाईल.‘पंचामृत योजनें’तर्गत अधिक चांगल्या निकालासाठी जिल्हावार विविध लक्ष्य निश्चित करण्यात आली आहेत.
ऊस विकास विभागाचे अधिकारी गव्हाच्या कापणीनंतर ऊसाच्या शेतीबाबत शेतकऱ्यांना जागरुक करण्यासाठी उत्तर प्रदेशातील विविध गावांचा दौरा करीत आहेत. अधिकाऱ्यांनी सांगितले की, पंचामृत योजनेतून शेतकऱ्यांना अतिरिक्त उत्पन्नासाठी बाजारातील गरजेनुसार तिळ, डाळ, भाजीपाला उत्पादनासही परवानगी असेल. यासोबतच सरकार शेतकऱ्यांना योग्य दर मिळावा यासाठी प्रयत्न करेल.
