नवी दिल्ली : उत्तर प्रदेश पुढील दोन वर्षांत इथेनॉल मिश्रणात २० टक्के वाढीचा प्रमुख लाभ मिळवेल. उत्तर प्रदेश आधीच इथेनॉल उत्पादन आणि मिश्रणात आघाडीचे राज्य म्हणून पुढे आले आहे. सद्यस्थितीत उत्तर प्रदेशमध्ये २४९.४९ कोटी लिटर प्रती वर्ष उत्पादन क्षमतेच्या ७५ डिस्टिलरी आहेत. राज्य १० टक्के मिश्रणासह सर्व राज्यांमध्ये सर्वाधिक उत्पादन करणारा देश बनला आहे. उत्तर प्रदेश मुख्यत्वे ऊस उत्पादन केले जाते. राज्यात ४५ जिल्ह्यांमध्ये ऊस उत्पादन केले जाते. राज्यात याचे क्षेत्रफळ २७.६० लाख हेक्टर आहे.
ऊस आणि साखर उद्योगाचे अतिरिक्त मुख्य सचिव संजय भुसरेड्डी यांनी सांगितले की राज्य सरकार नवीन १७ डिस्टिलरी स्थापन करणार आहे. पुढील दोन वर्षांत या डिस्टीलरी सुरू होतील. उत्तर प्रदेश आता देशातील सर्वात मोठा इथेनॉल पुरवठादार बनला आहे. राज्यात एकूण ७५ डिस्टिलरी असून त्यांची वार्षिक उत्पादन क्षमता २४९.४९ कोटी लिटर आहे.
आर्थिक वर्ष २०१६-१७ मध्ये ३८ आसवनींकडून ८७.०५ कोटी लिटर स्थापित क्षमतेसह ४२.७० कोटी लिटर इथेनॉल उत्पादन करण्यात आले होते. तर २०२०-२१ मध्ये हे उत्पादन वाढून ९९.३१ कोटी लिटर झाले. ५३ आसवनींची स्थापित क्षमता १६६.१७ कोटी लिटर झाली आहे. यापैकी ४३.९५ कोटी लिटर इथेनॉल राज्यात वापरले जाते तर ५२.६० कोटी लिटर इथेनॉल विक्री केले जाते. सद्यस्थितीत देशात इथेनॉल १० टक्के मिश्रण केले जाते. देशात सरासरी ८.१ टक्के सरासरी पूर्ण करण्यात आली आहे. अतिरिक्त साखर इथेनॉलकडे वळवल्यानंतर ४७ साखर कारखान्यांनी हंगाम २०२०-२१ मध्ये मोलॅसिस उत्पादन करुन ७ लाख टन साखर डायव्हर्ट केली आहे.
