ઉત્તર પ્રદેશને અબજ ડોલરની અર્થ વ્યવસ્થા બનાવવા માટે યોગી સરકારે રોકાણ આધારિત ક્ષેત્રોને પ્રાથમિકતા આપવાની વ્યૂહરચના ઘડી છે. આ યોજના હેઠળ રિયલ એસ્ટેટ ક્ષેત્રમાં રોકાણ આકર્ષક અને મજબૂત માનવામાં આવે છે. સરકારના મતે આગામી પાંચ વર્ષમાં આમાં 7.3 લાખ કરોડ રૂપિયાનું રોકાણ થઈ શકે છે. આ યોજનામાં શહેરી વિસ્તારો પર વધુ ધ્યાન આપવામાં આવશે. નાના-મોટા બજારો પાસે 64 લાખ મકાન બનાવવામાં આવશે. તેમાં HIG, MIG, LIG અને EWS જેવા તમામ જૂથ નો સમાવેશ થશે.
Aaj Tak ના અહેવાલ મુજબ યોગી સરકાર ખાનગી કંપનીઓને આમાં રોકાણ કરવા માટે પ્રોત્સાહિત કરશે. અગાઉ, મુખ્ય પ્રધાન યોગીએ એક સર્વેક્ષણના આધારે અધિકારીઓને એક બેઠકમાં જણાવ્યું હતું કે ઉત્તર પ્રદેશના ગ્રોસ ડોમેસ્ટિક પ્રોડક્ટ (GSDP) માં રિયલ એસ્ટેટ ક્ષેત્રનું યોગદાન 2020-21માં 14.4 ટકા છે. તેની કિંમત 34 અબજ રૂપિયા છે. લગભગ 20 લાખ લોકો આ ક્ષેત્ર સાથે જોડાયેલા છે. ઉત્તર પ્રદેશની વસ્તી 23.09 કરોડ છે. આમાંથી 23.7 ટકા એટલે કે 547 કરોડ લોકો શહેરોમાં રહે છે. આગામી પાંચ વર્ષમાં શહેરી વસ્તીમાં 3.09 કરોડનો વધારો થવાની સંભાવના છે. તેથી આગામી પાંચ વર્ષમાં શહેરોમાં 64 લાખ મકાનોની જરૂર પડશે. આ જરૂરિયાતને પહોંચી વળવા માટે સરકારે એક યોજના તૈયાર કરી છે. આ હિસાબે એક ઘર બનાવવા માટે પ્રતિ ચોરસ ફૂટ 1500 રૂપિયાનો ખર્ચ થશે. આ મકાનો બનાવવા માટે ખાનગી રિયલ એસ્ટેટ કંપનીઓ 65 ટકા ફાળો આપશે. જ્યારે 35 ટકા ફાળો તંત્ર દ્વારા આપવામાં આવશે. આ મકાન માટે 75 હજાર એકર જમીનની જરૂર પડશે. સરકાર પાસે માત્ર 32 હજાર એકર જમીન ઉપલબ્ધ છે. સરકારે વધુ 43 હજાર એકર જમીન ઉપલબ્ધ કરાવવી પડશે.
