रुडकी : उत्तराखंडच्या शेतकरी संघटना उसाच्या दरात वाढ करण्याच्या मागणीसाठी राज्य सरकारवर दबाव आणण्याचा प्रयत्न करत आहेत. गेल्या हंगामातील उसाची थकबाकी द्यावी आणि या हंगामातील उसाचा भाव लवकरात लवकर जाहीर करावा, अशी मागणीही बीकेयू क्रांतीने राज्य सरकारकडे केली आहे. संघटनेचे राष्ट्रीय अध्यक्ष विकाससिंग सैनी म्हणाले की, ऊस उत्पादक शेतकऱ्यांच्या मागण्यांकडे सरकार दुर्लक्ष करत आहे. नवीन गळीत हंगाम सुरू होऊन अनेक दिवस उलटून गेले तरी मागील हंगामातील उसाची थकबाकी अद्याप देण्यात आलेली नाही.
विकाससिंह सैनी म्हणाले की, गळीत हंगाम सुरू होऊनही राज्य सरकार उसाचा भाव जाहीर करण्यास दिरंगाई करत आहे. शेतीचा वाढता खर्च लक्षात घेऊन आता उसाचा भाव ५०० रुपये प्रती क्विंटल करण्यात यावा. कुक्का सिंह राजपूत म्हणाले की, शेतकऱ्यांची कारख्यान्यांची थकबाकी असताना ते वीज बिल कसे भरणार. आधी सरकारने उसाची थकबाकी द्यावी. यावेळी विनोद प्रजापती, कदम सिंग सैनी, मुकेश कंबोज, सौरभ सैनी, अनुपम सैनी, शुभम सैनी, अरविंद पाल आदी उपस्थित होते.
