नवी दिल्ली : भारतीय हवामानशास्त्र विभागाने (आयएमडी) गुरुवारी मान्सूनच्या आगमनाबाबत पुर्वानुमान व्यक्त केले आहे. यामध्ये मान्सून भारतात दाखल झाल्याचे म्हटले आहे. भारतीय हवामानशास्त्र विभाग (आयएमडी) लवकरच याची अधिकृत घोषणा करेल, अशी अपेक्षा आहे. पाऊस आणि मान्सूनबाबत मिळालेल्या माहितीनुसार, भारतीय हवामानशास्त्र विभागाने आज मान्सून आल्याचे म्हटले आहे. यानुसार मान्सून भारतात पोहोचला आहे. केरळमध्ये मान्सूनचे आगमन झाल्याची घोषणा करण्यात आली आहे.
दैनिक जागरणमध्ये प्रकाशित वृत्तानुसार, हवामान शास्त्रज्ञांनी आधी सांगितले होते की, बिपारजॉय चक्रीवादळ मान्सूनची तीव्रता कमी करत आहे. त्यामुळे केरळमध्ये याची सुरुवात हलकी होईल. आयएमडीने गुरुवारी एका निवेदनात म्हटले आहे की, दक्षिण-पश्चिम मान्सून आज, ८ जून रोजी केरळमध्ये दाखल झाला आहे. मान्सून दक्षिण अरबी समुद्राच्या उर्वरित भागात आणि मध्य अरबी समुद्रातच्या काही भागात, पूर्ण लक्षद्वीप, केरळ, तामिळनाडू दक्षिण, कोमोरिन क्षेत्राच्या काही भागात, मन्नारची खाडी आणि दक्षिण-पश्चिममधील काही भाग, पूर्वोत्तर बंगालच्या खाडीत पुढे सरकला आहे.
