हरारे :गेल्या वर्षी निच्चांकी उत्पादनानंतर मार्च २०२५ या आर्थिक वर्षात साखर उत्पादन ७ टक्क्यांनी वाढेल, असे टोंगाट हुलेट झिम्बाब्वेने(Tongaat Hulett) शुक्रवारी म्हटले आहे.टोंगाट हुलेट झिम्बाब्वेचे सीईओ तेंदाई मासावी यांनी एका मुलाखतीत सांगितले की, झिम्बाब्वेच्या व्यवसायावर मोठ्या प्रमाणात परिणाम झालेला नाही.टोंगाटची झिम्बाब्वे युनिट्स संपूर्ण मालकीची ट्रँगल शुगर इस्टेट्स आणि ५०.३ टक्के मालकीची हिप्पो व्हॅली इस्टेट्सची बनलेली आहेत.त्यांच्याकडून देशातील दोन साखर कारखान्यांचे संचालन केले जाते.टोंगाट हुलेटच्या दक्षिण आफ्रिकन ऑपरेशन्सने ऑक्टोबर २०२२ मध्ये व्यवसाय बचाव प्रक्रियेत प्रवेश केला. ‘टोंगाट’चे झिम्बाब्वे ऑपरेशन्स खराब हवामान, चलन अस्थिरता, चलनवाढ आणि त्याच्या कारखान्यांसाठी सुट्ट्या भागांची कमतरता यासह त्यांच्या स्वत:च्या उत्पादन आव्हानांवर मात करत आहेत, असे मासावी यांनी सांगितले.
मासावी यांनी रॉयटर्सला सांगितले की, गेल्या वर्षी आम्ही दोन्ही कारखान्यांमधून ३,७५,००० टन साखरेचे उत्पादन केले होते. हे उत्पादन आमच्या सर्वात कमी उत्पादन पातळीपैकी एक होते.यावर्षी आम्ही ३,९५,०००-४,००,००० टन उत्पादनाची अपेक्षा करत आहोत.मार्च २०२३ मध्ये संपलेल्या वर्षात साखरेचे उत्पादन ३,९६,६८२ मेट्रिक टन होते, असे उद्योग डेटा दर्शवितो.टोंगाट हुलेटच्या दोन कारखान्यांची एकत्रित साखर उत्पादन क्षमता अंदाजे ६,४०,००० टन आहे.आम्ही उद्दिष्टाच्या मार्गावरच आहोत, आमचे कारखाने चांगले चालत आहेत, असे ते म्हणाले.मला विश्वास आहे की, आम्ही टोंगाट हुलेट झिम्बाब्वेमध्ये १,२०० शेतकऱ्यांच्या नेटवर्कसह काम करीतआहे, त्यांच्या स्वतःच्या ऊस उत्पादनासाठी खत, तणनाशक आणि तांत्रिक सहाय्य पुरवतो, असे मासावी म्हणाले.
